O blogue do CRA Esquío

ESCOLA DE LAGO - MARZO

2012-03-02T22:01:00.001+01:00

O día 2 foi o cumpre de Sabela Graña: cantámoslle as Mañanitas, as velas, as cantigas de feliz cumpreanos, as bromas coas orellas, o queique... e o caderno de debuxos que lle agasallamos!!!

Fixémoslle debuxos moi traballados...

O día 5 fixemos freixós de cabaza, os 5 pequenos mesturamos os ingredientes.

Os maiores prepararon a masa dos buñuelos de cabaza.

Estaban riquísimos, non sobrou nada!!!

O día 6 fomos á Domus "A Casa do Home" á Coruña. No bus fomos cos de Vilarrube e Vilaboa.

Vimos unha película en 3 dimensións...

Tivemos un obradoiro sobre o corazón...

Visitamos só un pouco da Domus porque xa era a hora de volver... Estivemos dentro do corazón xigante, vimos corazóns de varios animais, etc, etc...

A CARREIRA 1 EN MARCHA...

2012-02-23T18:40:00.010+01:00

En breve a Carreira 1 comezará a publicar no blogue...

ESCOLA DE LAGO- FEBREIRO 2012

2012-02-08T22:28:00.002+01:00

Seguimos facendo, coma sempre, actividades diversas.
O día 8 arrincamos a berza ventureira que deu follas para a nosa comida e as follas picadas foron para darlles aos animais.
Plantamos allos e patacas!!! Puxemos o niño que nos deu Pedro, de Aldea Nova, colgado a ver se aniña algúnha parella de paxariños... e seguimos rematando o composteiro.
Estamos preparando o traxe de Antroido e tamén facendo bromas e xogos de antroido como os de pintar ou colgar o burro e pasámolo moi ben...
Toda a semá fumos vindo á escola cada vez máis choqueiros, según os mandados do CRA...
E fomos rematando os traxes. Cada quen eleixeu o tema da súa candea, buscou datos, fixo os debuxos, retallounos, coseunos e todos fixemos a nosa chama-gorro. Moitos faltamos días por estar enfermos pero fomos facendo o traballo, a pena foi de Antía que estivo mala tamén o día da festa do CRA.
O día 16 fixemos orellas na escola dirixidos por Lela, a avoa de Antía...

O 17 preparámonos cos nosos traxes de candeas e fumos de visita ao taller de coches e a cooperativa de Lago. Cantámoslles a cantiga enteira a todos...

Logo fomos á festa, en Meirás, con todas as escolas do noso CRA. Todos estabamos moi ben!

Nós cantamos a nosa longa cantiga sobre o lume, as candeas, etc... e vimos e escoitamos como cantaron os demais.
Levamos orellas das que fixemos na escola e invitamos aos das demais escolas que non tiñan orellas.
As nosas nais tamén fixeron máis orellas para invitar tamén, e as outras escolas invitáronnos a freixos e a rosquillas. Cada escola levou chocolate feito, e a papar...!!!
Despois queimamos o antroido pirómano que fixo Guillermo, o profe de Vilarrube.
E logo a picar globos e a bailar...

O día 23 fixemos antefaces...

Pola tarde os Criados sacaron ao Oso...

Coa axuda dos Criados o Oso enfeluxounos a todos...

Encarolounos moitas veces.

Sacamos ao dragón...

E fixemos o Xuício ao Meco incendiario e pirómano.
Queimámolo ó rematar, claro!

En pouco tempo quedou en cinzas... !!!

E logo aproveitamos a saltar a lumeirada.




E recollimos a cinza para abonar.

O día 24 no recreo volveu saír o Oso cos Criados.

Encarolou a eito!!!

E saíu de novo tamén o dragón.

Fixemos o xogo dos roubadores do galo, cunha pelota

e finalmente xogamos ás abelliñas do San Miguel para despedir a Roi

O día 27 fixemos o programa de radio

Fotos de Ana:

O día 28 fixemos a corrida do Galo.

O día 29 mandamos por Ana os tapóns solidarios recollidos, pero seguiremos recollendo máis...

O día 29 fomos comprobar como seguía a nosa moreira e vimos que está xermolando xa...

despois plantamos chícharos con Xaime e Ana.

E así rematou Febreiro soleado e trouleiro...

ESCOLA DE LAGO- XANEIRO 2012

2012-01-18T20:16:00.001+01:00

O día 9 de xaneiro volvimos á escola...
OS REIS trouxéronnos á escola: unha amasadora para o obradoiro de cociña e caixóns organizadores para gardar cousas.
O día 15 estivemos preparando a horta.
O día 16 os pequenos fixemos unha tarta de cabaza con Patricia, a nai de Candela.
Estreamos os mandiles e gorros pasteleiros que nos trouxeron no Nadal.
Saíunos moi rica!!
O 17 e 18 os catro imprimimos con limógrafo as nosas pombas da paz que estaban preparadas do curso pasado. Cada un de nós fixemos moitas copias para agasallar e os demais fixeron unha copia cada un.
O día 18 seguimos coa horta con Ana, a nai de Gabriel. Os pequenos temos sementadas cebolas desde decembro e xa naceron. Os maiores sementámolas hoxe. Estamos preparando un plástico para protexer as plantas, abonamos o terreo que cavamos a semá pasada e seguimos preparando a composteira.
O 19 seguimos imprimindo...
Todos estes días fixemos xogos especiais para a Paz: xeitos de axudarse...
Según en que lugar... según o peso... según o momento... todo depende...
coas mans fixemos caracois, estrelas...
Logrando meterse en cada vez menos sillas, coa colaboración de todos.

O día 23 fixemos puding de cabaza...

Gabriel rematou a súa boneca e levouna para casa todo contento...
O día 25 rematamos o invernadoiro...

Rematamos de imprimir co limógrafo
Cada un de nós fixemos un caderno cos traballos sobre a Paz.Un exemplo dos de 5 e 6 anos, 1 dos de 4 e 1 do de 3 anos. Leva a palabra Paz en braille.
Exemplos de 6 e 4 anos.
Despois de traballar sobre o Guernica de Picaso porque Candela tróuxonos a ensinar un libro para nenos dese cadro que ela veu no museo Raíña Sofía de Madrid, coa súa nai... fixemos debuxos e estes son algúns deles.
O día 27 celebramos o día da Paz todas as escolas do CRA, en Valdoviño. Os de 5 anos, e algún de 4 dunha escola, fixemos un móbil para cada escola do CRA, o que está na foto é o noso. Os de 3 anos e o resto de 4 anos fixeron un mural grande cun arco da vella, nenos de todas as razas e pombas da paz e os de primaria fixeron papiroflexia con motivos da Paz. Logo todos xuntos participamos cantando no auditorio e vendo un conto da Paz.
O día 30 fomos á radio, foi o programa número 11 e falamos do tema da Paz. Veu Domingo a contarnos sobre Angola porque el viveu alí anos. Cantounos unhas cantigas moi lindas que cantan os nenos dalí.
Os de Vilarrube foron os invitados desta vez...
O día 31 veunos visitar un trasno en PAZtinete, contounos moitas cousas da e para a Paz e propúxonos axudar a...
Gustounos moito!!!
Despois de que lle cantamos unha cantiga da Paz, que recolleu na súa bolsa... foise en paztinete, como chegou... !!!

ESCOLA DE LAGO- DECEMBRO 2011

2011-12-03T12:13:00.000+01:00

O xoves día 1, Mónica tróuxonos a ensinar unha colcha feita de liño e lá. O liño fora cultivado e fiado na casa da súa nai, Elvira, e dos seus avós e a lá que fiaron era das ovellas que eles criaron. Despois o fío do liño e lá leváronllos a unha tecedeira que lles fixo esta preciosa colcha. Nós pronto temos que empezar a facer o fío de liño que cultivamos o curso pasado!!! Elvira ensinaranos, pero temos que atopar as ferramentas para facelo como se facía antes!
O día 9 fomos de excursión a Ferrol. Estivemos no Museo Naval.

No Mercado Central
No parque infantil do Cantón.
No Centro cultural da Caixa Galicia
En Correos
Exemplos de tarxetas e sobres que mandamos por correo postal. Por unha das caras da tarxeta todos quixemos poñer: "Apalpador ven á miña casa polo Nadal!" e no sobre todos puxemos un selo especial noso do Apalpador!
O día 12 Sabela rematou a súa boneca
O grupo dos maiores fixo polvoróns con Patricia

e os pequenos sementaron cebolas con Ana.
Como nos entraron ratos e estragaron moitas cousas, tiveron que vir do concello a protexer a porta para que non entren... Graciñas Vicente!!!
O día 15 foi unha xornada en defensa da escola Pública. O día 15 tivemos unha moi grande sorpresa, o Apalpador e os trasnos visitáronnos, acompañados de gaiteiros. (fotos de Mariluz)
Nunca nos imaxinamos que poidera vir...
Cantámoslle 3 das cantigas que cantan as familias a Noite do Apalpador para lembrar que temos que irmonos para a cama cedo... pero tamén bailamos con eles...!!!
O Apalpador apalpounos a barriguiña e deunos uns froitos secos como adianto ó que pasará na casa.
Foto que baixamos da web de Artabria e alí podedes ver un vídeo con algo da visita a Vilarrube e Lago
O venres 16 empezamos a enviar por correo-e a tarxeta que fixemos entre todos no ordenador: na estrela da dereita imos cambiando a dedicatoria e mandámoslla a moitísimos grupos de xente... Todo iso leva moitos días porque tamén hai que facer outras cousas...
O 18 participamos no Festival da AVV de Meirás. Fotos de Alfonso Graña.
Fotos de Andrés Santiago que foi a pola cámara a casa...!
O día 19 foi o noso décimo programa de "Dalle que dalle nas ondas" e foron de invitados os da escola de Vilaboa. Ese día volveunos a sorprender o Apalpador chamándonos á radio, como o ano pasado. Falou cos de Vilaboa e con nós!!! Pedímoslle que nos traia peóns ademais dos froitos secos. El dixo que sí.
Os centros de Nadal con
anxos, Baltasar
e o Apalpador
O Día 20 cantámoslle ó Olentzero vasco, gardara as sorpresas no forno... e deunos que buscar!
Tróuxonos gorros de pasteleiros... para cando fagamos cociña!

Despois chegou Papá Noel tocando unha campá, todos quedamos sorprendidos pero Alba xa decía que ía vir ... e veu. Tróuxonos mandiles para o obradoiro de cociña. Cos gorros xa traxe ó completo.
Cada un pediulle o que desexaba que lle trouxera... Pero avisou que el ten repartir e que non pode dar moito a cada un...!
e foise para seguir coas visitas...
O día 21 a primeira hora viñeron do concello a podar as tuias... Graciñas! Temos a medio preparar a reixa do compost e agora xa a poderemos colocar ben.
O 21 cantámoslle ó Tió Catalán e botounos polvoróns que comimos encantados.
Estaban boísimos! Estas son algunhas das tarxetas que fixeron para felicitarse o Nadal entre eles. Cada un lla fixo a un ou 2 dos demais e todos recibiron algunha.
Cada neno-a fixo unha tarxeta a 2 caras no ordenador para completala unha vez impresa. Este é o exemplo de Mateo, de 5 anos. Esta é a parte exterior, dobrada a árbore queda diante e a parte da esquerda, detrás. Esta é a parte de dentro: O día 23, pola tarde, fixemos o festival para que poideran vir todas as familias... Momentos collidos por Sonia:
Momentos collidos por Mónica:
Momentos collidos por varios...
Despois representamos a "Noite do Apalpador"
Finalmente a festa, cos doces do Tió, bolechas de Apalpador, de Patricia, e queique que nos fixo o pai de Miguel e Sabela.

2011-11-29T22:29:00.000+01:00

¡CONCERTO DE MAMÁ CABRA!
O pasado venres, fumos de concerto!! Non foi un concerto calquera, senon que era de Mamá Cabra!!
Pasámolo en grande, quedáronnos moitas ganas de repetir, aquí deixamos algunhas fotos que o confirman.

Éstes eran os membros de Mamá Cabra!!

Primeiro comezamos a escoitalo sentados......

.....pero axiña nos entraron as ganas de bailar!!!!

PASÁMOLO MOI BEN!!!

O Samaín e o magosto.

2011-11-22T22:59:00.000+01:00

Na nosa escola da Carrerira celebramos o samaín, decoramos a clase terroríficamente, e fixemos un menú axeitado a ocasión.

O magosto celebrámolo todas as escolas xuntas no local social de Meirás. Os nenos participaron en distintos obradoiros. Comemos castañas asadas, cantamos cancións...

ESCOLA DE LAGO-NOVEMBRO 2011

2011-11-06T09:15:00.000+01:00

OLA!!! ESTA É A FOTO DE ENTRADA! Este mes imos poñendo en 2 entradas á vez: nesta e na da Semá da Ciencia en galego. Ide mirando as novidades nas dúas.
O día 4 aproveitou Gabriel a que estaba Mariluz de apoio para facer nas rutinas a súa páxina do cumpreanos porque o día en que o celebrou non se poido facer.
O día 4 esfollamos na escola o maínzo que trouxo Alba.
Logo debaghámolo...
O día 5 fomos á esfolla de Doso vestidos a tono gracias a que Carmen, a avoa de Antía, se puxo as pilas moi xenerosamente e preparou e coseu case todo a roupa con teas do arcón...
Fotos de Mónica:

Nota da prensa : A Voz de Galicia. Na foto están varios nenos da escola de Lago.
Nota de prensa no Diario de Ferrol. Na foto están varios nenos da escola de Lago.

Día 7 en inglés...
O día 9 fixo as rutinas Antía, facendo tamén a páxina do cumpreanos porque o día que cumpreu non o poido facer...
O día 10 Vicente foi buscar a cerámica que se pintou a fin de curso e que mandamos a Cerámicas do Castro para cocer. Aproveitamos a dar as graciñas A Cerámicas do Castro e a todos os que nestes anos nolas coceron (Marta, Patricia e Beatriz) e nola levaron e trouxeron (Anxo e Vicente) nun esforzo moi xeneroso pola súa parte, que merece toda a nosa gratitude.

O día 11 foi o Magosto do noso CRA
Primeiro vimos unha peli de cazar medos...

Xogamos con castañas en diferentes obradoiros pero neste temos fotos...

O mural do outono...
A castañeira era Sita, a profe da Carreira B, e o estupendo aparello con que se asaron nolo trouxo Pilar, a profe da Carreira A. Graciñas ás dúas!!! Foi un obradoiro estupendo, con cantiga incluida.
As castañas asadas que comimos no magosto as asaron nunha panadería porque no obradoiro non había posibilidade de asar tantas ...
Nós levamos para expoñer os 3 tipos de farois que fixemos.
Os maiores da Carreira levaron cousas de medo...
e o ramo de outono e cabazas....
e os pequenos da Carreira levaron cabazas co tema da Conquista de América. Todo nos gustou moito...
O mural feito entre todos no obradoiro de Pilar, Sita e Cris... Unha preciosa ábore caduca con froitos de outono con refráns, adiviñas...
Cantamos ó outono todas as escolas con Cris...
Ó final, nun recuncho, cantamos nós a do farol, para os nosos pais... Pero co barullo dos demais escoitábase mal. Eses farois xa os levamos para casa.
O luns día 15 cantamos na escola a cantiga de farol, para os pais, cos farois feitos en equipo nestes anos, había 7 e fixemos 3 máis e xa tíñamos para soster 1 cada un. Esta vez prendimos a vela para que alumearan mentras cantábamos.
As chulas de cabaza preparadas con Patricia o día 14 e que ela nos friteu o 15. Estaban riquísimas!!!!
O día 15 xogando ó peón, proba que proba, logramos bailalo 1 vez cada un dos maiores. O día 16 Xan mostrounos como se colle na man e como se levanta bailando, utilizando a piola. Recordamos que "Polo San Martiño peóns ó Camiño e polo San Amaro peóns ó faiado" ou "Ata que S. Antón nolos meta nun caixón ou Santa Olalla os guinde á borralla"
O xoves día 16 fomos coas familias, a primeira hora, a recoller cogumelos por Meirás. O guía era Enrique, o pai de Sara, porque el vai a ese monte a coller, pero outros do grupo tamén son expertos recolectores de cogumelos (Eduardo, Finola, Patricia) polo que todos, incluida a profe, aprendimos moito, moito, e foi unha experiencia fabulosa de aprendizaxe comunitario.
Había que buscar a eito porque non eran doados de ver. Cunha bariña os expertos atoparon boletos e níscalos ademais de outros non comestibles, que , claro, non tocamos... Cada vez que atopaban algo íamos todos e atendíamos ás explicacións.
Nos cestiños íamolos metendo, despois de que os cortaran cunha navalla ou un coitelo.
Collimos boletos, e os botóns, os pequeniños, deixámolos tapados para que medraran...
Collimos níscalos...
E atopamos moitas amanitas das dos contos... que como son tóxicas non as tocamos... Pero aprendimos a identificalas, ben ademais de disfrutar da súa beleza no monte.
Finalmente xuntamos todo isto... e iso que a ese monte vai moita xente e xa colleran case todo...
Pola tarde fixemos unha merendola con elas. Patricia e Rosa ensináronnos a limpalas, trocealas e cociñalas. Logo todos as probamos: nenos e maiores!!!
O día 18 facendo as rutinas directamente nos ordenadores co apoio de Mariluz.
No recreo destes día nos gusta xogar ó peón e cos carozos do maínzo a facer de todo o que nos pete... O día 20 foron as eleccións e o 18 viñeron a preparar a escola e o 21 a recoller... houbo que apilar todo para facer sitio e logo volta colocar... Menudo boreo!
O 21 celebramos o cumpre de Mateo. Fixo 5 anos.
Cantámoslle tamén "As mañanitas" pero non temos foto!

Entregámoslle o caderno de debuxos que lle agasallamos.

O día 21, pola tarde, fixemos o noso 9º programa de radio, estivemos tanta xente que case non cabíamos, tivemos que levar algunha cadeira das casas e ademais estar moitos de pé... Veu facer o programa con nós, Elvira, a avoa de Yasmín, e Pili Rodríguez Souto, unha mestra que colaborou moito con Sabela, ela tamén nos contou cousas dalgunha das cantigas que cantamos nós e que Pili lle ensinou hai tempo a Sabela.
Nós fixemos o programa, coma sempre, pero tivemos uns invitados moi especiais, os nenos de Carreira B acompañados das nais e das profes: Cris, Mariluz e Sita. Eles cantaron tamén unhas cantigas.
Esperamos que lles gustara a experiencia!!!!
O día 25 fomos á Casa da Cultura, vimos unha exposición
e asistimos ó concento do grupo Mamá Cabra con todas as escolas do CRA e algunhas aulas de Atios, por iso alí estaban tamén: Andrea, David, Laura, Paula e Sabela, que se foron o curso pasado da nosa escola, pero como estaban moi atrás algúns non as viron.
O día 29 fixemos sombras chinescas con Cris na hora do Proxecto Lector. Gustounos moito!

ESCOLA DE LAGO- SEMÁ DA CIENCIA EN GALEGO-NOVEMBRO 2011

2011-11-04T22:47:00.000+01:00

IREMOS COMENTANDO POUCO A POUCO.
AUMENTAMOS FOTOS POLO FINAL... Ollo!!!!!
Tamén ver en: http://www.cienciaengalego.org/drupal6/ , eiquí temos varias entradas, e fotos na galería.
O día 3 fixemos moitos experimentos acompañados de Mónica que tamén se encargou de facer fotos:

Algúns vistos máis de perto...

Pola tarde fixemos máis pero as fotos malográronse...
O día 4 seguimos co tema

Unímonos a outros centros para alumaer ás 12 h...
e seguimos mentras comimos...
Experimentamos o fluido "non newtoniano" de novo.
O DÍA 7 comprobamos como estaba o ovo que puxemos en vinagre o día 3, a súa cáscara é como unha tea... volvimos a poñer outro ovo para deixalo máis tempo aínda.
Algúns experimentos con velas e auga... etc.

Experimentos con efectos contrarios...
O día 8 fixemos transformacións na cociña facendo un bretzel de San Martiño (tradición alemana que nos ofreceu Stefanie)... O lévedo fai levedar, o calor do forno coce e doura e se coces de máis se queima, ollo!!!
No intermedio mestúranse e amásanse os ingredientes. Esta vez son Metemedos, do Samaín aínda, os que fan os Bretzels baixo a dirección de Stefanie.
Denantes de ir ó forno hai que barnizalos con ovo e finalmente os Metemedos os comemos o día 8 e día 9.
Como Estefanía nos trouxo tamén mazás, o día 9 fixemos un postre que nos propuxo ela, aínda que ela xa non estaba: mazás troceadiñas polas maiores con canela e galletas de avea desfeitas polas medianas, e ó forno...! Outra transformación diferente. Para que non se oxide a mazá un pouco de pingas de limón e tamén se lle pode poñer un pouco de aceite para que aglutine mellor...
Graciñas Estefanía todo estaba boísimo!!!!
O día 8 mentras levedaba e cocía o bretzel empezamos os farois persoais, ó estilo alemán, guiados por Stefanie Pasterkamp que hai 2 cursos tamén nos guiou para facer o ramo de Pascua estilo alemán..
Rematámolos o día 10, falta o de Yasmín que estivo enferma e non veu ata o venres. Polo San Martiño en Centroeuropa fan procesións de farois pois a luz solar xa é claramente pouca e como di a cantiga: Farol, farol (bis) /estrela, lúa e sol/ apágase a luz (bis)/ menos a do meu farol/ Eu vou co meu farol / o meu farol conmigo/ brillan as estrelas e tamén brillamos nós.
As crenzas precristiáns que provocaban os trocos de tempo que levaban hacia a dureza do inverno, están cubertas polas crenzas cristián sobre San Martiño que reparte a súa capa cun home cheo de frío. A procesión dos farois (os máis tradicionais adornados con estrelas, sol e lúa) remata cunha gran fogueira e ós participantes se lles agasalla un bretzel. http://www.youtube.com/watch?v=pEkdABUs7OM&feature=related
Os farois teñen que ver coa luz e o lume tema que estamos a traballar pero facéndoos fixemos aprendizaxes como o de ver como se pode cortar un aramio facendo xiros dobrándoo sobre un punto, pois para colgar os farois persoais usamos aramios.
O sol, a luz, a noite e o día, o calor e o frio dan moito para motivar...
Tamén chegaron cocidos os farois de cerámica que fixemos hai tempo e estreámolos todos.
Estes son os novos farois feitos en equipo: o lume, o Apalpador e a castañeira, con 2 lados de visión.
Fixemos equilibrios...
e outros experimentos... logramos facer xirar un DVD coa axuda dun globo!
O día 11, no Magosto do CRA asamos algunhas castañas con lume de verdade (nós xa asáramos na escola cun forno) e fomos pasando os grupos de nenos e nenas para ver como se asan. Para facelo Pilar Taboada levou un asador antergo e Sita Glez fixo de Castañeira, graciñas ás dúas mestras!!!!.
Día 16, pesar o maínzo de Alba debaghado na escola, por quilos na pesa e o total con romana, ademais de sopesar... Eran 5 kg e 325 gr. Logo fixemos equilibrios e series cos carozos... O día 17 outros novos experimentos ademais de repetir algúns... Os globos atrae pelos!!!
Atravesar un globo cunha agulla de metal...
Meter un globo dentro da botella onde hai auga moi quente, poñendo a boca da botella baixo a auga fría...

ESCOLA DE LAGO, OUTUBRO-2011

2011-10-06T08:29:00.000+02:00

OLA!!! ESTA É A FOTO DE ENTRADA! EN OUTUBRO tamén iremos subindo as fotos, e comentándoas, pouco a pouco, mentras tamén imos rematando as entradas de DECEMBRO, XANEIRO, FEBREIRO, MARZO, ABRIL, MAIO, AS 2 DE XUÑO, XULLO-AGOSTO E SETEMBRO, delas aínda faltan fotos e comentarios... Recordade que ver a primeira foto de inicio sempre, neste blogue, non quere decir que non fóramos poñendo máis cousas novas pois nós colocamos por detrás o que sucedeu despois... dentro dunha mesma Entrada. Eso sí, as Entradas máis recentes están por diante das máis antergas. Pero dentro de cada Entrada hai a secuencia temporal da sucesión de feitos para relelo os nenos-as despois de días e que lles axude a manter as lembranzas no tempo e no seu orde. O día 3 fixemos castañas asadas... e dubuxo ó natural... O día 4 Cris púxonos unha cantiga na pizarra dixital e nós colocamos os silencios e sons. Ese día comimos un acio moi grande de uvas. Ó final levamos para casa os nenos que fixemos con Cris, xa hai días. Antía O día 5 fomos á praia e xogamos moito... Pasámolo moi ben! Fixemos moitas cousas. Candela Non ía vento e non poidemos voar os papaventos grandes. Yasmín Pero poidemos voar o tetraedro da escola que fixeron o ano pasado e que a min me gustou moito cando o voei. Sabela Graña Cando chegamos á praia fixemos moitas cousas mentres Xan e Martín preparaban os papaventos. Gabriel Para ir e volver fomos polo paseo marítimo e na praia recollimos algas, para fabricar xabón de algas, tamén recollimos lixo para contribuir a ter limpa a praia. Sara O día 6 visitamos 1 mámoa no monte, en Narón, e logo fomos a Aldea Nova. Candela tiña 1 grilo que tivo na casa 2 días, e aproveitou a deixalo no monte, na mámoa. Alba En Aldea Nova, Sedes, NARÓN, fixeron unha mámoa pequena para que os nenos e nenas saiban o que é unha mámoa. MateoEn Aldea Nova tamén hai unha reproducción dun castro con pallozas pequenas redondas, de antes da chegada dos romanos, e con esquinas redondeadas, de despois da chegada dos romanos, o muro defensivo... e xogamos a ser celtas e romanos e pasámolo moi ben. Xeila Vimos un reloxio solar e unha casa tradicional galega, na cabana merendamos, mentas orballaba, e logo debagamos mainzo, collido do hórreo, para llevarlle ás ovellas. Sabela Graña No baixo da casa está a cociña, e tamén a corte das vacas e o cuarto das ferramentas. Sabela Graña No sobrado, están os cuartos e a subida ó fallado. Nesta casa no sobrado e onde están as cousas para fiar a lá e o liño. Alba a casa do mel os animais coser Inglés a día 10 O corpo... O día 11 Sabela puxo unha pancarta en defensa da Escola Pública. Cando parou fúmola ver. Mateo O día 11 cumpreu Gabriel 4 anos O día 13 cumpreu Antía 4 anos O día 13 empezando novos teares... Xogos no parque O día 14 xogando coas follas... O día 17 obradoiro de cociña do grupo de 4 anos con Patricia: tarta de maínzo, sen ovo e con granadas... Fotos traballando na pizarra dixital en música con Cris e en apoio ás rutinas con Mariluz. Para as rutinas usamos o programa dixital, adaptado, de Mar Vaamonde do Cra de Carballo quen nolo facilitou hai varios cursos. Graciñas Mar!!! Xogos populares o xoves día 20: Pasa Perico... Zapatiño quieto é... tamén a Martín Pirulicio, con prendas... O día 21 viñeron de excursión ó noso parque nenos e nenas do colexio das Mercedarias... O día 21 cumpre Yasmín A entrega do caderno... A tomateira ventureira que naceu en setembro gracias ó bon tempo sacou adiante moitos tomatiños cherris pero chegou o trebón e houbo que recollelos... Ordenando por tamaños, sopesando e pesando... O día 26 xuntamos todas estas cabazas que troxeron de Antía, Xeila e Mateo. Cando lle celebramos o cumpre a Candela non estaba preparado o das rutinas na pizarra dixital e fixo a páxina do cumpre hoxe... O día 2 preparamos as caveiras... O día 28 saímos con elas antes de levalas para casa... O día 28 fixemos os colares de zonchos coas castañas que recollimos no parque e que gardamos para iso...
Esta cantiga das Caveiras é de Feli Fresco Cobelo, mestra que tamén estivo nesta zona e que foi quen lle ensinou a cantiga a Sabela e ela a nós. Graciñas Feli!!!! Gústanos moito!!!!

Os colares de zonchos é unha anterga tradición galega, agasallábanse ós nenos-as o día de Tódolos Santos. Agora fannos eles mesmos nas escolas. Nós aproveitamos tamén a facer un traballo de cálculo metendo 10 e poñendo a marca vermella da decena, e así sucesivamente, para ir sabendo a cantidade que van tendo.
A cantiga dos esqueletes, co texto desta versión, era popular en España hai moitos anos. Nós a temos pasada ó galego... Hai unha versión orixinaria de Costa Rica que aproveita as horas do reloxio.
Estas datas están unidas ó gusto polo macabro e que provoca medo, transformado en diversión.

ESCOLA DE LAGO- SETEMBRO 2011

2011-09-12T20:44:00.000+02:00

Este curso somos dez, Sara e Alba non se foron e viñeron Gabriel e Sabela e Miguel Graña. Agora estamos Miguel de 3 anos, Candela, Gabriel, Yasmín e Antía de 4 anos, Xeila e Mateo de 5 anos e Sabela Graña, Sara e Alba de 6 anos. A nosa titora é Sabela Díaz Regueiro. Mariluz é a nosa profe de inglés, Cristina é nosa profe de música e contacontos, Xan é o noso profe de Educación Física e Óscar é o profe de relixión.
Sabela Graña
Xan é o noso novo profesor de Educación Física... Veu coñecernos o primeiro día de escola.
Sara
O primeiro día estaba unha mantis relixiosa, parraguesa ou barbantesa na porta da escola... Estivemos observándoa e mirando como se movía e resultounos moi curioso todo. Sabela contounos cousas sobre a parraguesa e propúxonos facer un traballo sobre ela.
Sara O día 13 xa empezou a "Contacontos". É Cristina a que nos fai de contacontos este curso. O primeiro que nos contou era dun neno que tiña ganas de facer pis. Foi moi bonito e logo fixemos ó neno cun tubo de papel hixiénico e resultou moi simpático.
Xeila
O día 15 Xan veu cedo e estivo tamén no parque con nós e despois fixemos ximnasia. Logo foise e nós clasificamos castañas por tamaños.
Mateo O día 15 pola tarde fomos coas familias de excursión pola lagoa, vimos árbores de ribeira: ameneiros, salgueiros, budios... e collimos delas 1 folla para ir recoñecendo as que atopabamos que eran iguais.
Alba

O día 16
A volta ciclista...

O día 20 fomos vendimar

Facendo mosto

Levamos a casa os marcapáxinas
As contas das sardiñas...
O día 22 fomos á horta do bar de Freire...

Atopamos esta bolboreta e Patricia logrou facerlle esta foto...
Pola tarde en Santo André de Teixido...
A porta que vimos en Santa Margarida do Val o ano pasado parécese a esta de Santo André de Teixido...
Di a lenda que os animais que se atopan por Santo André de Teixido non se deben matar pois conducen almas que van buscando o porto do Alén para embarcar na barca de pedra e ir hacia o solpor para subir ó ceo. Nós vimos cabalos, vacas, cabuxas e moitos animaliños como estes que estaban no campo do mirador.
Cando lle celebramos o cumpre a Candela cantámoslle: Estas son las mañanitas..., cumpreanos feliz..., parabens para ti... Ela elixei quen quería que lle tivera cada unha das candieiras, fixemos o costume das orellas e os bicos, entregámoslle o caderno de debuxos que lle fixemos e ela invitounos a un moi rico queique!!!
entregando o caderno cos debuxos que lle fixemos

O 23 celebramos o cumpreanos de Candela e entregámoslle este caderno...

Recollimos castañas moitos días pero estas fotos son do día 23.
A moreira estaba secando en xuño pero a coidamos e en setembro xa parece recuperada...
Con mazás que recollimos o día fixemos o papanduxas
O día 26 fomos á radio, foi o noso 1º programa de radio deste curso pero é o 7º desde que empezamos...
Algunha das fotos coa cámara de Mónica.
Clasificando e pesando o que recollimos no parque.
O día 29 viñeron cortar a herba.
29-9-11 pola tarde: Fonte da Moura
Marco dos 3 Termos
O monte Esperón
O Trece e o Oenach
Primeiros cadros dos nenos novos...

LAGO: XULLO-AGOSTO 2011

2011-07-17T18:44:00.000+02:00

O 15 de xullo aínda estaba o liño moi verde, mesmo aínda estaban saíndo algunhas flores... Elvira, a avoa de Yasmín, que o ten prantado de nova, veu que aínda lle faltan moitos días para que se poida arrincar. Mirou tamén o de Chelo, a avoa de Mateo, ese está máis crecido (é terra máis estercada) pero tamén lle falta polo menos unha semá...
O día 8 de agosto Chelo recolleu o liño, a mediados da semá anterior pasou Elvira a mirar o da escola e dixo que valía, polo que puxemos este día, luns, para recollelo.
Na escola quitouselle a baghaña, entre todos, ó de Chelo e ó de Rosa e recolleron o pouco liño da escola que quedou, o máis grande desapareceu sen explicación, o 29 de xullo estaba!!!! claro que ningún da escola era tan grande como o que plantaron as familias. O noso terreo é moi malo e case non foi abonado!
Os nenos merendaron e aproveitaron que había morangos na nosa horta para comelos... Veu tamén Gabriel, o neno que nos entra o curso que ven, e estaba abraidado de que os tiveramos ...
Mentras as nenas e nenos xogaban un pouco e merendaron (deuselles por facelo nun curruncho da escola!), as familias remataron o traballo e logo fomos ó río Vilar. Diante da casa de Antía encorghouse o liño. Tiñan abruños maduros!!!! Mirádeos na foto.
Os nenos, como non, tamén aproveitaron a xogar e enredar nese novo espacio, para a maioría... Pasamos unha tarde estupenda e ben socializada!!!!! Cada un levou tamén 2 DVDs máis con fotos, vídeos, traballos, etc, do curso.
Fotos de Mónica dese día: Explotando as posibilidades de xogo que ten cada lugar...
Pero tamén algún ratiño de atención e participación...
O liño queda dentro do río... e volta a papar...
Dentro de 9 días Elvira dirá se vale para recoller...

A recollelo só poideron ir 3 familias porque, como non ten espera, non se poido trocar de día.
Despois de recollelo, repartíuse para secalo en varias casas. No curso seguiremos o proceso.
Familias ide enviando fotos e vídeos, faltan de nadal de Marta, de antroido de Eduardo... e dos últimos días antes das vacacións de Pascua e da radio en abril, Día 2 xuño de Lorena, Sonia... do día... Toribio... e da última semá: de varios...

ESTAMOS EN FORMA

2011-06-20T12:14:00.000+02:00

Co inicio do terceiro trimestre, comezamos a traballar as 4 capacidades físicas básicas (velocidade, resistencia, forza e flexibilidade) de forma indirecta, ou sexa, por medio de xogos e actividades lúdicas.

Na foto podemos ver a Sabela e Jonathan da Carreira 2 traballando a velocidade por medio dunha carreira curta.

LAGO, XUÑO 2- 2011

2011-06-14T09:20:00.001+02:00

O noso liño medra pouco pero o que lle dimos a avoa de Mateo para semantar na súa horta está 4 veces máis grande, e mesmo tiña 2 flores o día 9. Ela nunca vira o liño e fíxolle ilusión vela planta pois lembra de pequena que había pezas de liño na súa casa...
Alba, Xeila e Candela, 1 de cada nivel, fixeron o día 13 o biscoito e esta vez meteron noces...
Xa temos pintadas as raias para xogar á chapa... Que ben!!! Tamén saltamos á corda pero non temos fotos...
O día 13, no recreo viñeron a visitar a Sabela unha exalumna que ven de casar, e os seus pais, e Natalia quixo vir con nós á radio pola tarde, que nos tocaba o 5º programa.
O día 14 xa morreran todas as bolboretas da escola e quedáronnos todos estes ovos pero hai nenas que levaron eirugas para casa e aída non lles remataron de nacer algunhas bolboretas, porque as súas eirugas naceron máis tarde ...
Na clase de música dimos un repaso das cantigas do ano que nos ensinou Roberto porque é o último día de clase de música.
O 14 pola tarde ensaiamos con Martín á zanfona, 2 cantigas que imos cantar con el no festival.
O día 14 xa tíñamos rematados os debuxos para o cumpre de Xeila, pero non llos entregamos ata o último día porque ela cumpre en xullo. Ese día tamén llo imos celebrar. Alba

Ese día imos cantarlle unha nova cantiga de cumpreanos, a cantiga Mexicana: Estas son las mañanitas..., ademais das que cantamos sempre.

Rematando os ovos que se soplaron por Pascua. E flores de cera de abella.
Exemplo de textos libres de Sara...
a parte de atrás...
Exemplos de textos libres de Alba...

Exemplo de traballo na pizarra dixital, do día 15
Bolsos e marcadores de cera de exalumnas.
O 16 despedímonos de Oscar e Mariluz deunos os cadernos tamén.
Pola tarde fomos invitados a facer un obradoiro de cociña no Restaurante "O Castro" de Pantín. Veu tamén Gabriel un neno que se matriculou ese día para o próximo curso. Mateo non poido vir e Gabriel usou o seu gorro...
Todo estaba preparado para a autonomía das nenas e neno... Mentras quedou a levedar a masa dos boliños houbo, xogo, merenda, cantigas...
Velos animais e a paisaxe...
Logo de levedar: a facer os boliños e pintalos con ovo...
Graciñas mil Nuria e Eduardo!!!! Foi unha tarde super estupenda!
Fotos de Mónica:

O día 17 fomos co CRA ó parque eólico de Sotavento, en Xermade, Lugo, perto das Pontes de García Rodríguez... Lago foi no bus cos da Carreira.
Quedaron cos monitores dese parque mentres os profes do CRA visitaron, alí mesmo, unha casa bioenerxética.
A media mañá a parva...
E volta coas actividades... A facer muíños de vento... Como choveu, todo foi no recinto.
A iniciar os muíños!
Aproveitando que estivemos xuntos fixemos as fotos cos de Vilaboa. Cada un co neno ou nena co que se escribeu. Candela con Anxo, Antía con Martín e Yasmín con Manuel.
Mateo con Iván e Carlos e Xeila con Nerea.
Alba con Raúl só, porque hoxe non veu Dani xa que rompeu a clavícula estes días pasados, e Sara con Marta e Cristian.
Para casa foron todos contentos cos folletos e os muíños de vento...
O liño empezou a florear...
O luns chegou a cerámica que nos coceu Cerámicas do Castro, unha xa rematada, é decir coas 2 coceduras, con traballos de hai 2 cursos de nenos-as que hoxe son exalumnos.
E outra do curso pasado, que hai que pintar e volver a cocer... Graciñas mil!!!!
O luns día 20, pola tarde, fíxose unha parte do festival. A obra de teatro cos globos, cantigas acompañados da zanfona.
Unha obra de monicreques, cantigas, o cumpre de Xeila, a merendola cos boliños feitos no Castro...
Aproveitando que xa chegou a cerámica entregáronse agasallos á xente que nos axudou máis expresamente... Velaí algúns...
O día 21 en tren a Cabanas, con todo o CRA.

O 22 facendo os cadernos...
Cantando unha de inglés...
Rematando cousas
Iniciando teares...
O mural da primavera...
Pintando cerámica...

A cerámica que queda para agasallos, a que se pegou e soltou... e pintando a última que veu só bizcoitada.
Personaxes do conto "O Belo Durminte"

Así está o liño...
As loitas das familias: O 22 comunicaron que a escola pechaba...
O 27 foi un programa dos pais-nais.
E o 28... a escola sigue...

XOGADE-DEPORTE GALEGO

2011-06-02T13:03:00.000+02:00

Nesta semana que vai do 30 de maio ao 3 de xuño, no noso cole, na área de Educación Física, traballaremos os xogos tradicionais. Grazas ao programa XOGADE promovido polo DEPORTE GALEGO en colaboración coa Consellería de Educación e Ordenación Uiversitaria proporcionouselle ao CRA un gran baúl de xogos tradicionais. Nos próximos días subiremos información, fotos e vídeos de todas as actividades realizadas.

O ENCARGADO/A

2011-06-02T12:46:00.001+02:00

Como podedes observar en case todas as fotos sae un neno/a cun peto. O neno/a que leva este distintivo representa a figura do encargado/a. Este/a axudará o mestre de Educación Física ao transporte e recollida de material utilizado nos distintas sesións.

BUSCO A MIÑA ÁRBORE

2011-06-02T12:33:00.000+02:00

Para a realización deste xogo necesitamos tantos aros como nenos/as teñamos. Os aros distribuiranse aleatoriamente polo espazo de xogo. Os nenos/as teñen que correr por fora dos mesmos e ao sinal do mestre, téñense que meter no aro máis cercano. O neno/a que quede sen aro estará eliminado.

LAGO, XUÑO-1, 2011

2011-06-01T22:44:00.001+02:00

O día 1, a primeira hora, tíñamos unha grande sorpresa... Chegaran as cartas das nenas e nenos de Vilaboa!!! Límolas despois na escola e logo levámolas a volver a ler na casa...

O día 1 maiores e medianos fomos a Ferrol para comer e quedar pola tarde.
Como visitamos o bus de Gaudí hai pouco, esta vez fixemos un percorrido polo Ferrol modernista, por iso visitamos o chalet de Antón.

Logo pasamos por Herrera, Jorge Juan e as vistas ó mar...
para logo ir polas rúas buscando os edificios de Rodolfo Ucha e outros...
Merenda no Cantón
e xogos...
despedida do Cantón
xogos no Jofre
Visita ó teatro Jofre e os ensaios do teatro...
O día 2 volvimos a disfrutar dos xogos populares...
Tipos de contas, exemplo de Sara...
exemplo de Alba...
Traballando co ábaco...
Pola tarde visitamos a Cooperativa de Lago

Fixemos preguntas e agora hai que facer un traballo...
Despois fumos a casa de Alba para ver os animais
montamos nun poni gracias a Cris e Javier... e merendamos e xogamos...
O dia anterior eu pedinlle a Javier, por favor, por favor, que nos trouxera a montura para poder montar nos meus ponis e que estivera para axudarnos a montar e para ensinarnos os seus animais. Moitas graciñas Javier!!! Alba

rulas, pucho, galiñas... de Javier
merenda e xogos...
O día 3, as de 3 anos rematando de preparar a numeración do calendario de xuño usando fichas de unidades e decenas para facelo de xeito manipulativo e comprensivo...
Exemplo de traballo dos de 4 anos que len e escriben desde hai meses.
O día 3 maiores e medianos facendo un biscoito de chocolate...

Coa humidade da escola estropeouse toda esta fariña e tivo que vir unha nai traernos outra para facer o biscoito, del non quedou nada, ó final... e iso que xa comeramos todo o demais... porque veu enfriar moito máis tarde...
O día 6 tocoulles facer o biscoito ás de 3 anos... Nun recipiente botaron o iogurte, o aceite e o zucre e batiron todo ben... Sara
Ah, os gorros sen poñer...! Menos mal que me acordei eu de avisarlles! Logo botaron 1 ovo e batírono, despois botaron o outro e batírono tamén. Logo botaron a fariña, o cacao e a levadura e batiron e batiron. Sara
Botaron a manteiga no molde, espolvoreáronlle fariña e verteron todo o batido no molde... Sara
E metérono no forno a 180 grados e algo máis de media hora. Mateo
Comímolo despois da froita, estaba moi rico e levamos 1 cacho para o postre de casa. Mateo
Mentres o facían, Xeila, de 4 anos, escribeu os ingredientes, e por certo é lévedo en vez de formento. Mentres, Mateo traballaba na pizarra dixital.
E mentres as maiores facían contas e escribían... Así é unha unitaria.
Ó ábaco temos que trocarlle a posición das cores para adaptalo ás que nós temos designadas para unidades, decenas e centenas noutros materiais... como nos chegou non hai moito e non é doado desmontalo, usámolo deste xeito.
As maiores inícianse ó ganchillo con Fani.
Por fin o día 8 se entregaron os carnets de Educación Viaria, da visita de febreiro!
Xa traballamos moito coa pizarra dixital e mesmo gardamos traballos dos que facemos...

A Ficha da que partíu foi esta, na que teñen que ir buscando as palabras na dereita, despois de ler a frase, e levalas para colocar debaixo, logo unir con raias coas mesmas palabras, escritas noutra letra, que están embaixo da páxina.
Así o poden facer cada una das nenas e neno
Outro exemplo do mesmo exercicio.
Exemplo de numeración
Exemplo de numeración e palabras.
Os broches das nenas de 3 anos.
Mateo nos conta:
Os de 3 anos foron comer a Ferrol e pola tarde ... comentarano elas a vindeira semá...

O día 9, pola tarde, fomos coas familias a visitar os invernadeiros de Fernando, en Vilaboa, el é o pai de Martín o que se escribe con Antía, pero Martín non veu co pai porque andaba algo enfermiño, que pena! Ó pasar vimos a Carlos e a escola de Vilaboa, foi mágoa non ver ós demais.
Fernando fai cultivo ecolóxico e iso fai que seña unha visita máis especial.
Como os familiares se interesaron moito polos detalles deste tipo de cultivo, os nenos aproveitaron mentras a argallar cousas para facer, alí ó lado, tranquilos, disfrutando do lugar e do bo tempo: ataron herbas nun espicho, fixeron pulseiras... porque o xogo non ten cancelas!
Mesmo aproveitaron para organizar xogos de roda... por intres observaban o que lles chamaba a atención ou atendían cando se lles decía... e logo, pasaban a aproveitar os estímulos que facilitaba a situación! O lugar é fantástico.
Todos fomos ata o embarcadeiro e mentres os maiores seguían co tema dos cultivos eles disfrutaron coa barca... O pequeno bosque que atravesamos desatou a imaxinación tamén...
Volvimos a ver máis invernadeiros... Fernando, incansable, ía saciando a sede de información duns e outros polo que está claro que este traballo o debían preparar entre todos os visitantes adultos para facilitar o traballiño dos nenos...! ou non?
Chegou a hora da merenda e logo fomos ver os porcos celtas, que sorprenderon moito, e alí despois tamén seguiron os picariños cos xogos das flores e plantas... Foi unha tarde moi interesante e apacible para todos!! Graciñas mil Fernando!!!!
Fóronse borrando as raias dos debuxos do xogo da chapa. Hai que volver a pintalas con pintura plástica pero mentres se xoga repasando as raias con xiz...
Roberto estivo de baixa e voltou esta semá, que ben!!!

XOGO DA SEMANA-OS CAMAREIROS/AS

2011-05-20T13:54:00.000+02:00

Xogo de relevos no que principalmente o que se traballa é o equilibrio. De un/unha en un/unha, os nenos/as sairán cunha bandexa na man, na cal se transportará un vaso. Os nenos/as teñen que facer o recorrido sinalado polo docente intentando que non lles caia o vaso nin a bandexa.

LAGO-MAIO 2011

2011-05-01T18:34:00.000+02:00

O noso programa de radio:
http://opaii.blogspot.com/
e pinchar en: dalle que dalle, aí oirás o último progama que emitimos.

Sabela preparounos uns cadernos para traballar na pizarra dixital e os estamos facendo con ela, e con Mariluz cando nos ven apoiar. Nos cadernos hai exercicios de moitos tipos e son divertidos... Sara

O día 4 volvimos a soprar ovos, porque a algúns se nos escacharan a outra vez e con estes despois fixemos tortilla francesa para comer a media mañá. Os ovos soprados ímolos decorar. Mateo
Ese mesmo día estaba un grilo na escola, debeu entrar o día anterior, tivémolo na escola ata o día seguinte, puxémoslle plantiñas e comeu algunhas... Non cantou nada, debía ser unha femia. Mateo
Textos en distintas pautas... Nós escribimos apoiados en moitos tipos de raias... Xeila

Os de 4 anos escribimos sós, sen copiar de nada, desde hai moitos meses... Xeila
O día 6 Alfonso trouxo o guiñol, por fin nos chegou á escola!!! Graciñas Alfonso. Despois probamos nós a facer títeres cos monicreques que xa temos na escola desde hai 1 mes, que foi cando chegou todo ó CRA. Sara
7-5-11 fotos da galería da web de Radió filispim, na IX sesión Vermu. André nos entrevista sobre o noso programa "Dalle que dalle nas ondas"
A horta o día 10. Xa recollimos varias veces morangos para todos. e o liño está precioso.
Esta é unha comida rápida sana... Ás veces facemos así para ir máis tempo ó parque.
Tivemos unha grande sorpresa veunos visitar Roberto coa súa nai, no recreo.
Lela e a boneca de Candela
Traballamos a Lois Pereiro con Sabela e Mariluz aproveitando os cadernos feitos por outros centros que os subiron a Internet.
Recollendo plantas para a alfombra floral, o día 11.

O día 11 rematouse de facer o conto que a organización Save the Children propuxo para infantil nas escolas cobaloradoras no Día do Libro co programa "Marcapáginas por la Solidaridad" (contado na entrada do noso blogue do mes de Abril). O conto fíxose seguindo as pautas que eles marcaron para construilo.
0- ler a carta de Chantal, que vive en Costa de Marfil, anunciando o seu cumpreanos.
1- iniciar o conto usando o nome de cada neno e nena asociado ó animal que escolla.
2- agasallos que cada un lle envía "para que esteñan ben coidadas e protexidas"
3- diferentes transportes que cada un escolla para enviarllos.
4- o texto de "colorín colorado" que vai na páxina 4 e que copiaron as de 3 anos.

Nós enviámosllo conto a eles e o subiron neste enderezo:
http://blogs.savethechildren.es/embajadores/2011/05/12/el-cuento-de-chantal/
O 12 seguimos recollendo plantas e partindo tuia...
Aínda que Sabela rematou o seu Apalpador en febreiro, Laura e Paula viñeron acabalos agora, porque están menos tempo na extraescolar.
O 13, con todo o CRA en Valdoviño, houbo moitas actividades e entre os de 5 e 4 anos participamos nesta alfombra de bolboreta
os de 3 anos nesta alfombra de mandala.
Todos participamos no Maio, por quendas tamén, aí esta Alba nesta foto que baixamos da web.
Cando chegamos púxose o conto viaxeiro, pasaron por 3 obradoiros e logo a comida, outro obradoiro e finalmente o recital de poesías para as familias do CRA. Lago participou recitando "Galicia docemente" de Manuel María só, o resto de cantigas e poesías que se prepararon faranse na radio e para as familias de Lago.
18 maio: seguimos coas actividades lim, de Internet, sobre Lois Pereiro. Como os de 4 anos tamén saben ler e escribir poideron respostar a moitas páxinas...
Exemplo de ficha da semá das letras Galegas...
Continuando cos agasallos, o 12 leváronse para os avós e logo xa para moitos máis...
Contando para atrás de un en un e de dez en dez, coas fichas de unidades, decenas e centenas e contando para diante...
Descomposición de números, sumas restas...
Aínda se remataron agora os debuxos do cumpre de Alba. Estaban as follas preparadas coas fotos e desapareceron as dela e as do cumpre de Xeila (ela cumpre máis adiante). Esperamos a ver se aparecían e como non apareceron fixemos os debuxos e puxemos estas fotos de cando foron a Educación Viaria sobre os debuxos escaneados...

O día 23 había 3 bolboretas nacidas...
Na radio o día 23 falamos dos maios e da nosa lingua. O programa estivo moi emotivo, porque ademais de recitar e cantar nós recitaron as nais e a bisavoa e cantaron a avoa e a bisavoa e todo foi moi emotivo sobre todo cando recitou Mónica que case nos fai chorar porque a poesía lle recordaba cando o seu pai se foi de emigrante e leuna con moito sentimento... Sara
Toda a primeira parte quedou sen gravar
Debuxos libres das nenas de 3 anos nos que xa escriben sen mirar a un modelo, sen problema, razonando que letra toca: a de mamá, a de dedo, un a, un i, etc...

As nenas de 3 anos xa fan de todo, tan contentas e motivadas...

O día 25 apareceron os primeiros ovos que puxo a femia que se emparellou onte e ademais naceron 7 bolboretas durante a mañá...
O día 26 naceron moitas máis bolboretas este é o seguimento de 2 delas...
1 delas xa está fora e a outra case...
O día 26 xa estaba así unha das caixas... A de abaixo, á esquerda, non fixo o seu casulo e está facendo o seu proceso igual ata que lle toque nacer saíndo dese caparazón. As outras téñeno igual pero dentro do casulo... a esta aínda lle faltan días, ten que empequenecerse máis...
Levamos uns días facendo bolsos...
Alba e Sara lévannos xa... Están de contentas!!! día 27
Eu levei o meu bolso a ensinarllo ó meu avó e gustoulle moito. A min tamén me gusta moito e foime doado facelo... Alba

O día 30 estaban rematados o de Xeila e Yasmín, o de Sara xa hai días que o levou para casa...
O luns 30, Quique chegou cunha boa sorpresa: un baúl con xogos populares para facer en ximnasia durante esta semá, en todas as escolas do CRA.
O 30, pola mañá, estaba así a caixa coas bolboretas e os ovos...
Os bolsos das pequeniñas...
Os broches de maiores e medianos...

A bolsa que fixo Mateo...
Exemplo dun exercicio no traballo da pizarra dixital, gardado como foto desde a propia pizarra. A pizarra necesita estar moi ben calibrada para que a escritura sexa boa, calquera cousa que a mova fai que as líneas esteñan desunidas.

XOGAMOS E XOGAMOS

2011-04-28T11:57:00.000+02:00

A pesar de non marchar de vacacións, con esta unidade didáctica damos por rematado o 2º trimestre. Nela os nenos/as levaron a cabo xogos realizados ao longo do curso.

VOLTAMOS A TRABALLAR AS HABILIDADES E O EQUILIBRIO

2011-04-11T12:00:00.000+02:00

A terceira unidade didáctica do 2º trimestre a adicamos a reforzar a adquisición das habilidades motrices básicas (desprazamentos, saltos, xiros, lanzamentos e recepcións) e o equilibrio. Estes contidos xa foron traballados anteriormente pero o que se pretende é que os interioricen e dominen xa que son esenciais para realizar accións que se levan a cabo na vida cotiá.

Nas fotos expostas vemos como os nenos/as do CRA traballan os contidos citados anteriormente.

LAGO, ABRIL 2011

2011-04-04T11:04:00.000+02:00

O 1 de abril veu soleado, a primeira hora Yasmín trouxo pilas para reciclar... No recreo a primavera esperábanos fora... Como era venres estaba tamén Oscar. Xa temos moitísimas eirugas da seda nacidas e xa algo crecidas e a nosa moreira sigue pequena... O día 7 xa... As flores silvestres e as cultivadas Despois do recreo do día 7 empezamos a fabricar xabón de Aloe Vera, é a receita nº 4 que facemos esta tróuxoa Sara, dunha veciña... Preparamos os moldes rebozándoos de aceite, mentras algúns batían. Ó final engadímoslle fariña de avea Quedou así... Quitarémoslles os moldes o luns, si xa están ben para facelo... O día 8 no parque. Toda a semá fixo sol e calor... Marta volveu ó parque á hora do recreo. Sementando liño

Día 14 exposición no Pazo da Cultura de Narón, con Roberto o profe de música tamén

Día 14, no Centro de Formación de Narón
Díronnos madeira de cedro vermello de Canadá a cada un
O día 14 pola tarde fabricouse o xabón exfoliante, é a receita nº 5, que collimos en Internet.

Este poidose desmoldar ó día seguinte.

O dia 14 fixemos o día da árbore tamén
O 15 estaban todos os marcapáxinas de axuda a Costa de Marfil preparados para levar a casa porque o día do libro cae nas vacacións.
As contas quw fixeron cada unha de 5 anos co recaudado para os nenos e nenas da costa de Marfil.
As contas que fixeron cada un de 4 anos.
Os diplomas recibidos polo traballo de axuda solidaria.
O día 15 fixéronse 2 queiques de chocolate, un para Vilarrube agradecéndolles que nos deixaran o forno todo este curso e outro para tomar na escola.
Por fin se estrearon os gorros (idea collida dos de Vilarrube no curso pasado) aínda que non están todos rematados ó completo... O queique para vilarrube mandouse por Oscar... Logo dixeron que estaba moi ben aínda que a algúns non lles gustou.
día 15 soprando ovos...
Día 18 entregándolle a Enrique una das plantas de Cineraria Marítima que logramos nós este curso, en agradecemento por facernos os armazóns dos globos aerostáticos.
Os xabóns quedaron refacéndose durante moitos, moitos días, e uns xabóns máis ca os outros. Mateo
O día 18, no 3º programa de radio "Dalle que Dalle nas Ondas" que foi sobre as actividades cíclicas do ano.
Tivemos con nós a Chelo, a Elvira (avoas de Mateo e de Yasmín) e a Sara a irmá de Mateo, para contarnos moitas cousas sobre as festas e actividades anuais. A min gústame moito ir á radio. Alba
Despois Candela aproveitou a coller follas de moreira chorona, en Caranza porque as eirugas comen. moitísimo e ademais das da escola criamos na casa: Sara, Yasmín, Candela, Antía, Xeila e máis eu. Alba
No mes de abril tocou ir rematando os cadros de tea e os teares... Tivemos que traballar moito para acabalos para o día da nai... xeila
As de 3 anos cosen, este video foi collido nun momento a primeiros de febreiro...

De principio a fin feito por elas con 3 aniños... para as nais
De principio a fin con 4 e 5 anos para as nais.
Os teares de cada un van rematados por detrás tamén.
O día 20 os pais de Antía e Sabela estiveron preparando cousas nos ordenadores e probando na pizarra dixital despois de que Suso viñera a explicarlle como usala en todos os aspectos. Antía fixo os seus ensaios...
Despois dunha semá así estaba o liño...
Os ovos de Pascua que atopamos no xardín da tradición centroeuropea.
O roscón de Pascua co ovo cocido da tradicion española.
O cumpre de Alba celebrouse o 27
Candela trouxo moitos careixóns e nós collimos tamén algúns do noso xardín...
Para o día da nai prepararon, ademais dos cadros de tea e teares outras moitas cousas:
Exemplos dos niveis de 5, 4 e 3 anos de aproveitamento desta cantiga que traballaron en música.
En relación coa visita á casa do mel fixéronlles traballos con cera de abella.
E bandexa con 6 xabóns de 5 tipos con exágonos explicativos de cada un.
Preparar os paquetes
O día 28, a última hora, aínda fixemos na clase de música esta tarxeta, con Roberto. Xeila acordouse de traela para escaneala por dentro e por fora para poder ensinala eiqui... Ten a partitura da cantiga que nos ensinou...
Tamén as exalumnas fixeron cousas...
Agora xa están así de grandes as eirugas da seda...
Os 2 primeiros casulos os fixeron o día 26 e ata o 30 seguiron facéndoo outros.
Estes están buscando sitio para facer o seu casulo e os do lado pronto o buscarán.
Exemplo de textos libres, estes son de Alba.
O día 28 pola tarde nos obradoiros do bus de Gaudí, en Ferrol. Foi suxerencia de Patricia.

Logo de merendar na praza de Armas, os últimos no Cantón...

XOGO DA SEMANA-CRUZAR O RÍO

2011-03-26T12:48:00.000+01:00

Neste xogo farase un pasillo (río) formado por conos ou cordas e un neno/a será o crocodilo e permanecerá no interior do mesmo. os restantes nenos/as terán que intentar pasar dun lado ao outro do río sen que o neno/a que fai do citado animal os pille, pero se o logra os nenos/as pasarán a ser tamén crocodilos.

BAILAMOS, IMITAMOS E NOS EXPRESAMOS

2011-03-14T12:14:00.000+01:00

Despois de levar a cabo a unidade didáctica de repaso dos contidos traballados no 1º trimestre, na área de Educación Física comezamos a traballar un contido importantísimo como é a expresión corporal. Nesta unidade os nenos/as levaron a cabo xogos nos que bailaron, imitaron e representaron situacións da vida cotiá.

Nas fotografía podemos ver aos nenos/as de Lago representando un enorme elefante, así como nas dúas seguintes aparecen os nenos/as de Carreira 1 xogando ao baile-estatuas.

LAGO, MARZO 2011

2011-03-03T14:46:00.000+01:00

Preparación da comparsa de Antroido: O Club de pilotos de globos aerostáticos de Lago. Dentro do tema xeral "O Aire" Os armazóns foron cousa de Enrique, o pai de Sara, que os fixo soldando. Graciñas Enrique!!! Salíronche guais... Alba

E o resto xa foi cousa de cada un, salvo algunha pequenísima vixilancia para que as de 3 anos non se despistaran nalgún momento de moito boreo... Elas xa traballan moi ben soas!!! ALBA En todas as posturas posibles cosimos... As nais preparan o seu: son o vento que move os globos. Preparando o meco da escola de Lago: clavamos... enchímolo... Con Carme, a avoa de Antía, preparamos a masa para os freixós. É día 3 e tocaba traer garabata, mandil, algo na cabeza e un zapato diferente en cada pé... E con todo iso posto preparamos os freixós. Freixós de Carmen a avoa de Antía, ela aprendeu a receita da súa sogra, Carmen do Castellano, e fainos con esa receita desde hai 30 anos. 1 litro e medio de auga 2 ovos medio vaso de anís 1 pisca de sal 1 pisca de canela 150 gr de fariña Primeiro batimos os ovos... Orden: batir os ovos, botarlle o anis, a canela, unha pouca de auga e pouco a pouco a fariña para desfacela, ou coa batidora, finalmente bótaselle o resto da auga. Se se fai na tixola necesita un pouco máis de fariña que se se fai na freixoeira das antergas. Déixase a mestura polo menos 2 horas en repouso para que logo se solte mellor do recipiente. Cando se fan bótalle por riba zucre e 1 pisca de anís. De choqueiros estamos guais... O luns trouxemos todos unha garabata posta, o martes engadimos un mandíl, o mércores engadimos poñer algo na cabeza e o xoves trouxemos ademais un zapato de distinto par en cada pé. Xeila Facer as carautas e antefaces é divertido... Doblamos o papel e dibuxamos a mitade para que saia ben simétrico e poñemos un calco debaixo... MateoO noso traxe da nosa comparsa do Club de pilotos de globos aerostáticos de Lago leva unha xoaniña que retallamos e pegamos cada un. O día 4, por Lago, fixemos un percorrido coa nosa comparsa, fomos ó taller de coches, á cooperativa... e cantámoslles en cada sitio e comíamos un freixó dos que nos fixo Carmen, a avoa de Antía, como se facía noutros tempos. Ela fíxonos freixós grandes e pequenos. Cando íamos pola beira da estrada os coches que pasaban pitábannos para saudarnos porque debíamos gustarlles... SaraAs de 3 anos tamén fixeron o seu traxe e globo. son unhas campeonas...!!! Mateo Os adultos ían de vento dentro da nube. Estas fotos que siguen son de Lorena, que nos acompañou todo o tempo. Na cesta, por diante, levamos unha bolboreta que diseñamos, retallamos e pegamos cada un de nós porque as bolboretas van polo aire e fixemos como se se nos subiran ó globos. Alba Despois de cada visita: a comer freixós... As teas da maioría dos globos viñeron que nin pintadas grazas a que a tenda da rúa Dolores 55, de Ferrol, Bertha, nos deu un mostrario que tiña moitas cousas que se moven polo aire: bolboretas, globos, fadas, estrelas e planetas, etc... cunhas cores moi bonitas. Graciñas mil, e despois do antroido aínda nos diron 2 mostrarios máis para facer máis cousas...Estamos encantadas!!!! Por detrás levábamos pegados foguetes na cesta porque nos sairon ó retallar os ombros e as sisas dos chaleques e aproveitamos a poñelos porque tamén van polo aire... Alba Logo fomos ó encontro do CRA, do antroido e cantamos... a cantiga que fixemos con Roberto. Tamén cantaron as demais escolas. Os muíños de vento son de Vilarrube, as abellas da Carreira 1, as bolboretas da Carreira 2, as xoaniñas os de Vilaboa e os papaventos de Taraza.. . Todos voamos !!!! Alba Mentras cantaron os demais estivemos atentos porque nos gustaban e porque hai que respetar os traballos dos demais!! Sara E logo xogamos. Roberto ía de eólico cos de Vilarrube e gustounos o seu disfraz, estaba moi gracioso. Xogamos con Patricia e con Sabela corríamos porque levaba posta a nube e sopraba moi forte como vento furacanado... SaraNa festa do CRA comimos: torradas, freixós, orellas, rosquillas... que levaron as familias das escolas e bebimos colacao invitados polo CRA. Estaba todo moi rico!!! Graciñas. Xeila ... A queima do Meco: Peidón, do CRA, dobrouse e houbo que poñelo dereito de novo e logo ardeu moi rápido!! Mateo Día 10 en Lago: o dragón saíu primeiro... A corrida do galo fixémola logo, ó estilo de Cobres, en Pontevedra, pero con un galo de tea... A saída do Oso foi despois, ó estilo de Salcedo, Lugo. Encinzou sen parar e os Criados pillaban a todos e chamábano para que encinzara tal como é o seu ritual. Pola mañá rematáramos o noso Meco; fixémoslle a cara, as mans... E ó final dos xogos de Antroido fixemos a queima do noso meco boicoteador da nosa exhibición de globos aerostáticos... Ó final a... saltar o lume !!!O día 11 volvimos a xogar co dragón e volvimos a facer a saída do oso estilo o de Salcedo, esta vez sen encinzar de verdade, só facíamos como se o fixera... E ata o ano que ven o antroido xa non ven...

O xoves 10 Martín e Sonia, pais de Antía, lograron poñer a punto as conexións, programas, etc para que funcionara a pizarra e xa fixemos una pequena estrea pero o luns 14 foi a gran estrea da pizarra... Esperamos varios anos a que nola mandaran e 3 meses a poder funcionar con ela, e gracias a Martín e Sonia!!! O luns 14 cumpreu 6 anos Sara... E fixémoslle un libriño de debuxos, como a cada un que cumpre... O día 18, pola tarde veu visitarnos Mateo o irmau de David, ó paso que viña el. mateo xa está moi, moi grande!!! É precioso!!! Para o 19 de marzo pintamos, montamos, pegamos arreo para facer os avións que viñan en pezas, porque tamén van polo aire, que é o tema que traballamos! e as rodas, rodan e a hélice xira... !!! Retallamos e pegamos ovellas, nubes, sol e flores... para facer un cadro con teas. Tamén coloreamos sal e fúmolo metendo en botes, facendo ... e bolsas con papel dun mostrario que nos diron... Eu fixen un pteranodondino autómata, montei as pezas, pegueinas... mirando as indicacións de debuxos do folleto. Todo foi doado menos meter os pauciños dentro dos tubiños de goma porque eran moi estreitos para axustar ben e non soltarse cando se moven as azas ó darlle á manivela que tamén lle montei. A papá gustoulle moito!!! Mateo O día 21 empezou a primavera e fixemos o 2º programa de "Dalle que dalle nas ondas" Viñeron invitadas Rosana, a nai de Paula e Madalena, a bisavoa de Alex e chamou por teléfono para participar no tema Maruja, a avoa de Laura... Contamos sobre o Antroido... Cantamos moitas cantigas pero aínda nos quedaron 2 que gravamos logo na escola... Madalena e Maruja contáronnos como se celebraba cando elas eran novas... O día 25 na Casa do Mel de Goente fixemos candeas de cera de abella con Isabel... Coa cera fanse cousas moi bonitas e imos intentar facelas tamén na escola... A proba do mel foi estupenda, probamos de 2 tipos a de eucalipto era máis doce... e logo con Noelia fixemos un mural con celdas de panal e un apicultor. As abellas vímolas tras dun vidro. Contáronnos que elas non saen a menos de 14 grados de temperatura exterior... O apicultor vai recoller o mel pero antes afuma a colmea para que esteñan tranquilas as abellas e leva un traxe que o protexe das picaduras pero díxonos antes Isabel, a monitora coa que fixemos as velas, que elas non atacan se non son atacadas. Díronnos mel para levar de proba para casa e folletos que explican todo sobre os enxames, as colmeas, as abellas, etc. Na vida das obreiras van tendo moitas funcións: de exploradoras (van buscando por onde hai flores e logo dinllo ás outras dando círculos e voltas para que saiban ir e se fan círculos grandes, díxonos o señor, indícanlles que hai moitas flores e se os fan pequenos dinlles que hai poucas), de recolectoras do polen das flores, de coidadoras das bebés (as máis novas), fabricando cera, fabricando mel... Tamén vimos avispeiros que fan as avispas con celulosa e normalmente están baixo terra. Elas tamén fabrican mel pero pouca porque no inverno só quedan 4 ou 5 e non teñen que almacenar tanto. As fichas que nos pasou Belén, que estaba sustituindo na Carreira 1, resolveunas cada nivel ó seu xeito. Fixemos estas páxinas para o conto viaxeiro do CRA durante uns días, continuamos as de Taraza e logo llo pasamos a Vilaboa Foi divertido elexir a idea para continuar, porque se nos ocurrían varias e logo buscar as palabras e frases, como representalo, etc, respetando o que iniciaran os anteriores. Deunos moito que pensar, repensar, razonar, decidir e facer pero pasámolo ben. O día 28 Quique fíxonos monicreques e deunos esta foto. Un día ó mes toca que nos faga unha representación.
O día 31 fixemos xabrón en colaboración coas familias porque ten momentos perigosos...

Patricia foi a xefa da 1ª receita. Yasmín

Miña nai fixo de xefa da 2ª receita. Antía Rosa fixo de xefa da 3ª receita. Candela Para facer xabón hai que ser constantes remexendo. Tamén hai que usar recipientes grandes. Unha das receitas que fixemos levaba moita sosa e na reacción química subeu moito e saíu fora. A sosa queima e ós poucos días estaba o campo sen herba, alí onde caera, e o cemento moi branco... Nos momentos de botar a sosa os nenos só temos que estar mirando, e de lonxe!!!
Foi moi guai!!!! colaboramos todos e fixemos Química ademais de reciclar, fabricar, aforrar, experimentar, borear, etc... e pasalo ben dalle que dalle a revolver no xabrón e por iso igual pensamos chamarnos "os esquíos dalle que dalle"!!!. Mateo xa dixo que a escola parecía unha xabonería.

XOGO DA SEMANA-BATALLA DE BALÓNS

2011-02-14T19:16:00.000+01:00

Para a realización deste xogo dividirase o terreo en dous campos, un para cada equipo, ademáis de darlle a cada neno/a unha pequena pelota. O obxectivo do xogo é que os nenos/as de cada equipo envíen as súas pelotas ao campo do equipo contrario así como devolvan as mesmas que veñen deste. Unha vez rematado o tempo gañará aquel equipo que menos pelotas teña no seu campo.

LAGO, FEBREIRO 2011

2011-02-08T12:30:00.001+01:00

Este mes iniciouse a web do colexio en
https://www.edu.xunta.es/centros/cravaldovino/
á dereita picades en Actividades e dentro delas en Lago e aí temos a nosa presentación como escola dentro do centro, que tamén imos completando.
Desde o 27 de febreiro tamén temos fotos colgadas nesa mesma web, picando en Galerías e logo indo a Lago 2009-10 e sobre todo en Lago 2010-11.

O xoves día 3 veu Hugo, está moi, moi crecido... El come e durme, Sabela e Dana teñen sorte porque non é chorón. Hugo sigue tan lindo e domilón como sempre... Sara

As pombas que nos deu Sita fixémolas coloreándolles as azas coas cores do arco da vella e quedaron moi bonitas e o día 3 levámolas a casa despois de cantar con elas as cantigas da PAZ que aprendimos ("Que canten os nenos...", "Viva a xente" e "Había unha vez... un mundo de Ben") ós familiares que viñeron a buscarnos. Alba
O venres día 4 fomos á obra de teatro de : "SR. Mundo, Dígame?" a Valdoviño. Eran moi simpáticos pero foi moi curta e tivemos que esperar a que nos viñeran a buscar. Xeila
Nós sempre temos que esperar ó bus e ese día tocounos esperar moito máis. Alba

En outono empezamos o mural das estacións
e agora está así. Mateo
O día 9 a avoa de Antía tróuxonos orellas de antroido. Estaban riquísimas. Xeila
Mariluz axúdanos un rato dos martes e mércores a que fagan as rutinas no ordenador as de 3 anos e os de 4. Sara Nós escribimos moito no ordenador: recibimos e enviamos correos-e, escribimos no blogue e agora na web tamén e consultamos en Internet. Sara
Estamos pintando as xardiñeiras que nos trouxo Sabela a principio de curso, da súa terraza. No outono plantamos as plantas que tamén nos trouxo e agora imos pintar derriba figuras xeométricas. Xeila
O venres día 11 comimos plátanos e aproveitamos a facer os polbos coas peles como vimos no pps que nos enviou Gloria e que nos gustou tanto. Sara
O luns día 14 veu María, de Lugo, para ver como traballamos na nosa escola.
Tróuxonos un lapis cuns muñequiños na punta de arriba que nos gustou moito, para cada un. Levámolos a casa todos contentos. Graciñas!!! Alba
Empezamos a facer as cousas de antroido. Este ano imos de pilotos de globos aerostáticos. Xeila
As nenas de 3 anos empezamos 1 cadro de tea. Candela e Yasmín
O día 16 veu Nuria a lernos os contos que trouxo Sabela de Cataluña. Ela tróuxonos unhas lambetadas caseiras feitas de froitas e xelatina con formas de canciños, estrelas e corazóns. Xeila
3 dos libros están en catalán e como Nuria é catalana poidemos saber como soa o catalán e vimos que o catálan ten palabras igual que en galego, por exemplo a palabra meu, ou familiar que tamén é igual que en castelán. Algunhas normas de escritura son diferentes ás nosas por exemplo para escribir nai poñen mare e din mara ou no conto do Caganer que se di Cagané. Sara
Contounos tamén a lenda do seu nome, Nuria, dun val dos Pirineos cataláns. Sara
Ata hoxe, neste curso, non falamos nada de Quique e da clase de Educación Física porque como damos esa clase no salón da asociación de veciños Sabela non nos ve e non nos pode sacar fotos pero onte, día 17, Sabela subeu e fixo fotos. Xeila Pasámolo ben con Quique nesta clase porque nos movemos moito... Alba
Patricia tróuxonos un ovo de galo... Mónica veu esta foto no blogue e pensou que Sabela nos vendera unha broma, pero non era unha broma. Os galos poñen algún ovo na súa vida e son pequenos e sen xema, por iso nolo trouxo Paticia, para que o comprobáramos. Xeila
Estamos cosendo no chaleque. Candela e Yasmín
O venres 18 Sara e Alba fixeron golfiños e Xeila e máis eu, un canciño. Mateo
O luns 21 Quique contounos un conto pero con títeres.
Onte, martes día 21, empezamos o noso propio programa da radio, pero axudounos Iago. Chámase "Dalle que dalle nas ondas" en Radio Filispim e esta vez foi sobre a Educación para a PAZ. Xeila
Para min foi o primeiro día na radio porque en decembro, cando fomos ó programa de André, eu estaba enfermo. Gustoume moito. Mateo
Fotos de Mónica:

Eu ó sair da radio, estaba emocionada e ó chegar a casa fixen este debuxo para Sabela. ALBA
O mércores 23, veu por fin Antía que estivo enferma. Yasmín
Nós xa estamos cos globos e ela aínda ten que empezar a retallar no chaleque... Candela
A min fáltame moito do traxe de Antroido. Antía

O día 24 fomos de excursión a Barallobre. Fomos cos da Carreira. Foi un día soleado.
Visitamos a lonxa e "Cesio" explicounos as ferramentas que usan para mariscar as ameixas e dixo que a variedade que cultivan, que lla trae a Xunta, non é das de equí e que se están acabando as nosas variedades...
Neste aparello clasifícanas por tamaños e as pequeniñas as volven ó mar e á area.
Esta é a depuradora, nela están 2 días. A auga que usan é a do mar pero pásana por raios ultravioleta que matan todas as bacterias que van na auga. A auga entra por grandes chorros para que xenere osíxeno para que respiren as ameixas. Tamén teñen un depósito con baterias que se alimentan das cacas e pises das ameixas...Fora esperamos a que lle diran á Directora, copia dixital de fotos e un pps sobre o cultivo das ameixas. Moitas graciñas por todo!!! E xa nos fomos para a antiga estación de Barallobre onde nos esperaban para facer Educación Vial. Explicáronnos como debemos circular de peóns e coa bicicleta. Xeila

Logo comimos e logo... Os cascos e os chaleques e...
A conducir e circular!!!!!
Nós non nos fixábamos dos sinais do chan e ás veces íamos por onde non debíamos pero os semáforos os respetábamos, eh!!!

Había varias cousas para montar... Pero ós de 3 anos nos levaron tamén, algún ratiño, de acompañantes... Yasmín ía diante dos maiores da Carreira!!! Eses colleron os coches grandes e xa non os soltaron... Que sorte!!!

Eiquí falta a foto de Sabela levando nunha bici-carro a 2 nenas... Poñerémola cando a mande Cris.
Estas son as fotos do noso carnet de educación viaria.
Esta semá recibimos un envío da escola de Vixoi, do CRa de Bergondo, cun traballo sobre o Pandingueiro e un CD cunha presentación dos seus traballos sobre todo cara ós avós, demais maiores da zona e o Centro de Discapacitados de Bergondo, que os exalumnos coñeceron cando viñeron a facer unha obra de teatro a Valdoviño, hai varios anos...

Alicia e máis eles fan cousas moi interesantes que nos gustaron moito!!!
Nós tamén fixemos cousas sobre o Pandigueiro por iso este libriño nos gusta moito, Sara e Alba xa o levaron a casa pero os demais tamén o iremos levando.
O CD tamén nos gustou moito por iso mandamos dende eiquí un bico para cada un de vos e un especial a avoa Rosario, por ensinarvos tantas cousas.
Os de Vixoi ó principio de curso tamén nos mandaron un traballo moi bonito que lle fixeron ós fillos de Viqueira, e o curso pasado nos mandaran outro traballo que lle adicaron a Viqueira porque ese escritor tiña o seu pazo ó lado da súa escola, e na guerra tivo que escapar e exiliarse.
Graciñas por ser os nosos amigos!!!!!

VOLTAMOS AO COLE

2011-02-07T19:08:00.000+01:00

Ao regreso das vacacións de Nadal os nenos/as do CRA na área de Educación Física volveron a traballar os contidos tratados no 1º trimestre mediante unha unidade didáctica de repaso. Nela os nenos/as volveron a recordar contidos como o esquema corporal, a lateralidade, a relaxación e a respiración, as habilidades motrices básicas e os xogos.

Na primeira foto vemos os nenos/as de Carreira 2 realizando un xogo cos conos para afianzar a súa lateralidade, mentres que na seguinte vemos ao alumnado de Vilarrube traballando o equilibrio cun xogo de cordas.

XOGO DA SEMANA-O ESPANTALLO

2011-01-20T11:51:00.000+01:00

Co xogo do espantallo comezamos a publicar semanalmente o xogo que máis lles gusta aos nenos/as do CRA.

Para a realización deste xogo necesítase como material dous churros, mentres que o desenrolo do xogo é o seguinte. Un neno/a levará un churro en cada man e terá que intentar pillar aos demais nenos/as que escaparán. Se o/a que pilla toca a alguén co churro, este/a ten que permancer quieto e coas pernas abertas para que outro neno/a que non esté pillado poida pasarlle por entre as mesmas e así liberalo. O xogo remata cando todos os nenos/as están pillados.

GÚSTANOS MOITO XOGAR

2011-01-19T17:12:00.000+01:00

Para rematar o primeiro trimestre, na área de Educación Física traballamos distintos xogos como xogos sen material, xogos con pelota, con cordas, e churros, con aros e tamén con conos.

Nas dúas fotografías vemos os nenos/as da Carreira xogando a distintos xogos.

LAGO, XANEIRO 2011

2011-01-17T11:04:00.000+01:00

O día 10 empezaron as clases de novo pero faltaron algúns varios días porque estiveron enfermos.
O venres desa semá aínda faltaba Antía e varios saíron un rato á cita do médico... Pero aínda tivemos ánimo para facer, ó final, unha orquestra con Roberto!!! E gustounos moito. Eu estiven griposa esta fin de semán e hoxe, día 17, falta Alba. Sara
Fomos rematando de poñer as etiquetas cos nomes nos murais das follas que recollimos no outono. Sara
Clasificámolas en 2 murais según foran de árbores caducas ou perennes. Sara
Tiveron que vir amañar unha cisterna porque botaba auga sen parar. Veu facelo Alfonso, do Concello. Sara
Mandáronnos 1 pizarra dixital pero aínda non a estreamos e estamos desexándoo!!!! Faltannos conexións e orientacións para empezar... Alba
Nas escolas celébrase o día da PAZ o día 30 e fomos facendo antes moitas cousas, aprendimos varias cantigas e xogos solidarios, etc. Fixeron esta folla cada unha de 3 anos. Tocou de poñer a de Yasmín esta vez. Alba
E esta cada un de 4 anos. O día 26 xa a levaron a casa todos pero eu estiven enferma 15 días e aínda non a fixen. Alba
E esta as de 5 anos pero, como dixen, aínda non o fixen. Vemos que todas teñen a palabra Paz en Braille e en linguaxe de signos. Alba

Retomamos o Braille de novo (código de escritura para ler e escribir cando non se ve), Mariluz tamén nos axuda iniciando ás pequeniñas. Alba

O luns día 24 fixemos galletas con formas que se relacionan coa Paz. Patricia, a nai de Candela, deunos a receita e veunos axudar.
Usamos: 250 gramos de manteiga, medio quilo de fariña, 150 gramos de zucre moreno e 1 ovo. Primeiro puxemos a manteiga enriba do radiador para que se ablandara, batimos o ovo, e logo botamos a manteiga e revolvimos. Era divertido pero movíasenos o prato... Sara Despois botamos o zucre e revolvimos e logo a fariña e amasamos. Despois de estar ben amasado todo fixemos bolas grandiñas e as metimos no frigo máis dun cuarto de hora porque dixo Patricia que así a masa se podía estirar millor.
Patricia díranos enseguida un truco para que o prato non se nos movera: poñer unha toalla ou un pano debaixo... E tiña razón, logo non se nos movía. E fixemos todo moito máis doado!! Sara
Fixemos varias fornadas na escola... e tivo mesmo que levar Patricia a casa para facer as últimas... Todas estas cousas levan o seu tempo!!! Sara
Gardáronas cada un na súa bolsiña. O 26 probáronas, leváronas para casa e gardaron para min que seguía enferma. Graciñas!!! Deixaron algunhas para comer ó día seguinte na escola e para invitar a Mariluz. Na foto, Sara ten tamén a miña bolsiña e levouma a casa. Eu probeinas ese día pero comer, cominas o domingo, día da Paz. Estaban riquísimas!!! Alba
As de casa son para comer o día da Paz pero... haber se logramos esperar...!!!
O 27 rematamos o noso mural da PAZ. E Alba sigue enferma. Fixémolo entre os de 4 e 5 anos e as de 3 anos axudaron a repasar algunhas letras cos rotuladores. Xeila
Tamén reflexionamos e escribimos moito sobre a Paz. Se todos a queremos lograrémola!!! Xeila
A Paz no CRA, e Alba tampouco poido vir!! O día 28 celebramos o día escolar da Paz en Valdoviño, primeiro contáronnos un conto sobre os números e logo fomos pasando por 4 obradoiros e ó final cantamos en 2 rodas a cantiga que nos ensinou Roberto "Opa itaitai é". Ás 12 tamén comimos a Parva...
Saudamos especialmente a Elisa e ós nosos amigos de Vilaboa que vemos eiquí. Faltou Martín. Con eles mantemos correspondencia escolar desde hai varios cursos.
Alí fixemos un mural con bandeiras entre todos, todos, de todas as escolas do CRA Esquío, pero non nos deu tempo a falar e reflexionar sobre o tema da frase que se escribeu, por iso Sabela o trouxo o dia 31 á nosa escola e quedámonos pasmados porque non o víramos rematado, porque nós estivemos nos primeiros grupos que o foron iniciando e seguindo... O 31 repasamos con rotuladores grosos a frase, para que se vira mellor, e di: "Non hai camiño para PAZ, a PAZ é o camiño" de M. Gandhi que soubo loitar pacificamente. Sara

Ese mesmo día levouno Mariluz para expeñolo ou que o leven a outra das escolas. Mateo

Como o día da lepra tamén foi o día 30, o 31 traballamos sobre ese tema porque este ano veu Maruxa a contarnos sobre Guinea, onde traballa nunha leprosería e fixémoslle un mural pintado con dedo e con puntos... Xeila

SOMOS MOI HABILIDOSOS

2011-01-07T13:56:00.000+01:00

Unha vez coñecidos os hábitos de hixiene, alimentación, postura e exercicio físico, os nenos/as do CRA O Esquío comezaron a traballar outro contido importante no que a Educación Física se refire como son as habilidades motrices básicas. Estas son 4, desprazamentos (correr, andar, reptar....), saltos, xiros, lanzamentos e recepcións.

Nesta fotografía vemos aos nenos/as da escola de Vilarrube traballando os desprazamentos por medio do xogo os grupos.

Nesta outra foto están os nenos/as de Taraza traballando outra habilidade como son os saltos co xogo dos nenúfares.

Traballamos os xiros de distintas formas, neste caso Raúl (Vilarrube) o fai por medio dun pinchacarneiro. Por último tamén traballamos os lanzamentos. Aquí vemos a Iago (Vilarrube) lanzando unha pelota cunha raqueta de tenis.

NOVO MATERIAL DE EDUCACIÓN FÍSICA

2011-01-03T13:35:00.000+01:00

A principios do mes de novembro, a área de Educación Física recibiu unha partida económica para a compra de novo material. Este novo material está composto por 4 churros, un bate de baseball de espuma coa súa pelota, 3 pelotas de espuma (unha grande e dúas medianas), 6 pelotas de espuma pequenas, 3 petos e unha bolsa para gardar todo. A este novo material engádeselle o que xa tíñamos o ano pasado, o cal estaba composto por un xogo de 5 cordas, conos, aros (grandes e pequenos) e 6 pelotas de espuma.

Foto do novo e antigo material.

APRENDEMOS OS DISTINTOS HÁBITOS

2011-01-03T11:09:00.000+01:00

A principios de novembro os nenos/as do CRA estiveron a coñecer e a traballar os distintos hábitos de hixiene, alimentación, postura e exercicio físico por medio da unidade didáctica COIDAMOS O NOSO CORPO.

Na fotografía atópanse os nenos/as da escola de Vilaboa xogando á pataca envelenada.